Rhestr wirio ‘Byddwch yn effro i breifatrwydd’

Menyw yn dal gliniadur ac yn rhoi high five i blentyn

Yn union fel rydych chi’n dangos i’ch plentyn sut i groesi’r ffordd yn ddiogel, brwsio’u dannedd neu gloi’r drws, mae angen hefyd ichi eu helpu i wneud dewisiadau diogel ar-lein.

Mae siarad am breifatrwydd ar-lein gartref yn helpu plant i adeiladu arferion craff a chadw’n ddiogel ac yn eu harfogi i wneud dewisiadau gwybodus ar gyfer y dyfodol.

Siaradwch am breifatrwydd ar-lein gyda thri cham syml

1. Sgwrsio

Mynnwch gael sgwrs yn gyson gyda’ch plentyn am breifatrwydd ar-lein – does dim rhaid ichi fod yn arbenigydd. Dyma ffyrdd da i ddechrau sgwrs:

Gofynnwch i’ch plentyn ddweud wrthoch chi am yr hyn maen nhw’n mwynhau ei wneud ar-lein.
Edrychwch gyda’ch gilydd ar adran gosodiadau preifatrwydd eu hoff gêm symudol, dyfais neu ap. Pa wybodaeth sy’n cael ei holrhain? Beth allwch chi ei reoli o’r gosodiadau?
Gofynnwch sut maen nhw’n teimlo am rannu lleoliad neu hysbysebion wedi’u personoli? Beth yw’r manteision a’r anfanteision? Pryd y gallai fod yn ddefnyddiol a phryd y gallai deimlo’n anghywir?
Siaradwch yn gyson am yr hyn maen nhw’n ei rannu ar-lein a gyda phwy. Allen nhw fod yn rhannu gwybodaeth arall heb sylweddoli? Ydy’r hyn maen nhw’n ei wylio ac yn clicio arno yn rhoi gwybodaeth amdanyn nhw eu hunain? Pwy allai weld hyn a pham y gallai fod ganddyn nhw ddiddordeb?
Anelwch at sgyrsiau cyson i roi amser i’ch plentyn brosesu’r hyn rydych chi wedi’i drafod – yn yr un ffordd ag y byddwch chi’n dangos sut i ddysgu sgiliau eraill fel croesi’r ffordd.
Poeni am ble bydd y sgwrs yn arwain? Mae gan Internet Matters a’rInternet Matters and the NSPCC gyngor ar siarad am bynciau anodd.

2. Pigo

Helpwch eich plentyn i ddechrau meddwl yn ofalus am yr hyn maen nhw’n dewis ei rannu ar-lein. Beth sy’n teimlo’n iawn i’ch teulu chi?

Edrychwch ar osodiadau preifatrwydd gyda’ch gilydd; edrychwch i weld pwy all weld postiadau, eu tagio nhw neu anfon neges uniongyrchol atyn nhw.
Edrychwch ar ba ddyfeisiau, apiau a gemau symudol sy’n cyrchu data lleoliadau.
Edrychwch ar osodiadau hysbysebion; ydych chi’n gyffyrddus bod eich plentyn yn rhannu eu gwybodaeth gyda gwneuthurwyr y wefan, yr ap neu’r gêm symudol? Ydych chi’n hapus i’r cwmnïau hyn rannu’r wybodaeth gydag eraill?
Byddwch yn glir gyda’ch plentyn beth yw rheolau’ch teulu chi am rannu gwybodaeth bersonol (fel cyfeiriad, rhif ffôn, ysgol, cyfeiriad ebost neu luniau).
Siaradwch am offer AI, fel ChatGPT, Gemini neu Claude. Pa wybodaeth fyddech chi’n hapus i’ch plentyn ei rhannu gyda’r offer hyn?

3. Gwirio

Pan fydd eich plentyn yn cael dyfais newydd neu’n lawrlwytho gêm neu ap newydd, gwiriwch y gosodiadau preifatrwydd fel eu bod nhw’n rhoi gwybodaeth yr hoffech chi iddi gael ei rhannu yn unig. Helpwch i wneud gwirio’r gosodiadau preifatrwydd ar unrhyw ddyfais, gêm neu ap newydd yn rhan o drefn ar-lein eich teulu.

Barod i sgwrsio â’ch plentyn?

Gallwch lawrlwytho copi o’r rhestr wirio preifatrwydd i’ch dyfais er mwyn ei chyrchu pryd bynnag y dymunwch. Neu ei rhannu gyda ffrindiau a theulu.Rhoi nod tudalen i’r rhestr wirio | Argraffu’r rhestr wirio fel PDF | Rhannu’r rhestr wirio

Printing, sharing and bookmarking require browser controls: use your browser menu or keyboard shortcuts.

Ble i fynd nesaf

Gosodiadau preifatrwydd

Dewiswch pa wybodaeth bersonol sy’n cael ei chasglu a’i rhannu neu sy’n weladwy i bobl eraill pan fydd eich plentyn ar-lein.

Gosodiadau lleoliadau

Gall data am leoliadau ddatgelu ble mae’ch plentyn yn byw, yn astudio, yn teithio ac yn treulio amser.

Gosodiadau hysbysebu

Defnyddir gwybodaeth eich plentyn i siapio hysbysebion ar y cyfryngau cymdeithasol, wrth rannu fideos, neu ar apiau gemio.

Rheolaethau rhieni

Gall rheolaethau rhieni gynnig rhywfaint o reolaeth ichi dros osodiadau lleoliadau, preifatrwydd a hysbysebion.

Sut i reoli bywydau digidol plant

Please fill out our feedback survey

We want to hear from you

Your feedback can help us improve our support for parents and carers. Our survey should take 3-5 minutes to complete.