Gosodiadau lleoliadau

Beth yw gosodiadau lleoliadau?

Mae gosodiadau lleoliad yn rheoli sut mae cwmnïau yn cyrchu ac yn defnyddio lleoliad daearyddol eich plentyn.

Bydd llawer o apiau, gemau symudol, cyfryngau cymdeithasol a dyfeisiau yn gofyn am ganiatâd i gael mynediad at wybodaeth am leoliad. Mae’n bwysig dewis yn ofalus oherwydd gall rhannu lleoliad ddatgelu ble mae’ch plentyn yn byw, yn astudio, yn teithio ac yn treulio amser.

Sut mae gwybodaeth am leoliad yn gweithio yn ymarferol?

• Apiau’r cyfryngau cymdeithasol: ychwanegu lleoliad at bostiadau, dangos ffrindiau cyfagos, straeon wedi’u seilio ar leoliad, argymhellion ynghylch digwyddiadau lleol, neu gofrestru mewn mannau penodol.
• Apiau rhannu fideos: ychwanegu tagiau lleoliad at fideos, awgrymu cynnwys lleol, neu ddangos fideos sy’n boblogaidd yn yr ardal leol.
• Apiau gemio: chwarae gemau ar sail lleoliad, dod o hyd i chwaraewyr cyfagos, neu ddatgloi cynnwys ar gyfer rhanbarth penodol.

Ydw i’n gallu rheoli gosodiadau lleoliadau?

Gall rhannu lleoliad fod yn ddefnyddiol weithiau ond mae’n syniad da gwirio pob ap ac ystyried a oes ei angen mewn gwirionedd.

Mae’r rhan fwyaf o apiau yn cynnig dewis rhwng rhannu union leoliad, lleoliad bras, neu ddim lleoliad. Gallech chi hefyd ystyried caniatáu mynediad lleoliad tra bo’r ap yn cael ei ddefnyddio yn unig, yn hytrach na galluogi olrhain parhaus yn y cefndir.

Mae rhai apiau yn diffodd y dewis o rannu lleoliad yn awtomatig ar gyfer plant dan 18 oed. Ond os nad yw’ch plentyn yn defnyddio’u hoedran go iawn, bydd hyn yn analluogi’r holl amddiffyniadau sydd ar gael iddyn nhw.