Gosodiadau preifatrwydd

Beth yw gosodiadau preifatrwydd?

Gall gosodiadau preifatrwydd eich helpu i reoli pa wybodaeth bersonol sy’n cael ei chasglu a’i rhannu neu sy’n weladwy i bobl eraill pan fydd eich plentyn ar-lein.

Mae hyn yn cynnwys dewis a yw proffil eich plentyn yn breifat ynteu’n gyhoeddus, pwy gaiff ofyn am fod yn ffrind iddyn nhw neu eu dilyn, a phwy gaiff anfon neges neu sylwadau atyn nhw ar eu postiadau.

Pam mae gosodiadau preifatrwydd yn ddefnyddiol?

Mae gosodiadau preifatrwydd yn cynnig mwy o amddiffyniad i’ch plentyn trwy gyfyngu ar bwy gaiff weld eu cynnwys a rhyngweithio â nhw. Gall hyn helpu i atal bwlio, niwed emosiynol, a chyswllt diangen gan ddieithriaid.

Ydw i’n gallu rheoli gosodiadau preifatrwydd?

Mae gan y rhan fwyaf o ddyfeisiau, apiau a gemau symudol osodiadau preifatrwydd yn eu dewislen ‘Settings’ neu ‘Account’.

Mae’n syniad da adolygu gosodiadau preifatrwydd yn rheolaidd gan fod cwmnïau weithiau’n diweddaru eu polisïau neu’n ychwanegu nodweddion newydd a allai effeithio ar breifatrwydd ar-lein eich plentyn. Gall defnyddio dyddiad cofiadwy, fel pen-blwydd, fod yn ddefnyddiol i’ch atgoffa ei bod hi’n bryd gwirio’r gosodiadau.