Neidio i’r prif gynnwys
Logo Byddwch yn effro i breifatrwydd
Logo ICO

Adnoddau ymgyrchu i ysgolion, lleoliadau blynyddoedd cynnar a sefydliadau addysg

Mae ysgolion eisoes yn addysgu plant am ddiogelwch ar-lein fel rhan o'r cwricwlwm. Mae'r ymgyrch yma yn ymestyn y gwaith hwnnw i'r cartref trwy roi offer syml, ymarferol i rieni a gofalwyr gael sgyrsiau cyson am breifatrwydd ar-lein gyda'u plant.

Dyw tri chwarter y rhieni ddim yn credu bod eu plant yn gallu gwneud dewisiadau diogel ynghylch pa wybodaeth bersonol maen nhw'n ei rhannu ar-lein, ond dyw un o bob pump erioed wedi siarad â nhw am y peth. Mae ysgolion a lleoliadau blynyddoedd cynnar mewn sefyllfa unigryw i bontio'r bwlch yma gan fod rhieni yn ymddiried ynoch chi, a bod gennych chi eisoes y sianeli cyfathrebu i gyrraedd teuluoedd.

Adnoddau

Testun ar gyfer cylchlythyr ysgol

Ydych chi'n effro i breifatrwydd ar-lein eich plentyn chi?

Yn [ENW'R YSGOL], rydyn ni’n dysgu’r plant am gadw'n ddiogel ar-lein fel rhan o'n cwricwlwm. Ond dyw diogelwch ar-lein ddim yn stopio wrth glwyd yr ysgol. Os ydych chi'n rhiant neu'n ofalwr i blentyn 4-11 oed, mae yna ymgyrch newydd a allai wneud gwahaniaeth gwirioneddol i'w diogelwch nhw ar-lein.

Bob tro y bydd plant yn defnyddio apiau, gemau neu wefannau, mae gwybodaeth yn cael ei chasglu amdanyn nhw – a hynny heb iddyn nhw sylweddoli yn aml. Gall hyn gynnwys eu lleoliad, eu harferion a hyd yn oed eu hwyliau nhw.

Mae Swyddfa'r Comisiynydd Gwybodaeth (ICO) wedi lansio ymgyrch am ddim o'r enw ‘Byddwch yn effro i breifatrwydd’ i helpu rhieni a gofalwyr plant 4–11 oed i ddechrau'r sgyrsiau yma. Mae’r ymgyrch wedi'i hadeiladu o amgylch tri cham syml:

  • Sgwrsio gyda'ch plentyn am breifatrwydd ar-lein.
  • Pigo pa wybodaeth bersonol i'w rhannu.
  • Gwirio y gosodiadau pryd bynnag y bydd eich plentyn yn defnyddio dyfais neu ap newydd.

Yn union fel rydyn ni'n dysgu plant i groesi'r ffordd yn ddiogel, gallwn eu helpu nhw i adeiladu arferion clyfar ar-lein. Gall sgyrsiau bach nawr wneud gwahaniaeth mawr wrth i'ch plentyn dyfu.

Find free tips, videos and conversation starters at ico.org.uk/switched-on-to-privacy/?utm_source=toolkit&utm_medium=email&utm_campaign=sotp.

Neges WhatsApp, neges destun neu ebost i rieni

Fersiwn fer (~50 gair)

Helo bawb, mae [ENW'R YSGOL] yn rhannu hyn oddi wrth yr ICO. Oeddech chi'n gwybod y gallai’ch plentyn fod yn rhannu gwybodaeth bersonol ar-lein heb sylweddoli? Mae gan eu hymgyrch nhw ‘Byddwch yn effro i breifatrwydd’ dri cham hawdd i helpu: Sgwrsio, Pigo, Gwirio.

Free tips for parents: ico.org.uk/switched-on-to-privacy/?utm_source=toolkit&utm_medium=email&utm_campaign=sotp

Fersiwn ganolig (~150 gair)

Helo bawb, roedd [ENW'R YSGOL] eisiau rhannu hyn gyda'r holl rieni a gofalwyr.

Bob tro y bydd ein plant yn mynd ar-lein, mae’n bosib eu bod nhw’n rhannu gwybodaeth bersonol heb yn wybod – pethau fel eu lleoliad, eu harferion a hyd yn oed eu hwyliau. Mae'r plant yn dysgu am ddiogelwch ar-lein yn yr ysgol, ond mae'n help mawr pan fyddwn ni’n siarad amdano gartref hefyd.

Mae gan Swyddfa'r Comisiynydd Gwybodaeth ymgyrch am ddim o'r enw ‘Byddwch yn effro i breifatrwydd’ i rieni plant 4–11 oed. Mae'n rhoi tri cham syml ichi:

✅ ✅ Sgwrsio gyda'ch plentyn am breifatrwydd ar-lein.
✅ Pigo pa wybodaeth bersonol i'w rhannu.
✅ Gwirio y gosodiadau pryd bynnag y bydd eich plentyn yn defnyddio dyfais neu ap newydd.

You don’t need to be a tech expert. Find tips and videos at: ico.org.uk/switched-on-to-privacy/?utm_source=toolkit&utm_medium=email&utm_campaign=sotp

Rhannwch gyda rhieni a gofalwyr eraill!

Testun ar gyfer mewnrwyd staff

Byddwch yn effro i breifatrwydd: sut gallwn ni helpu teuluoedd i siarad am breifatrwydd ar-lein

Mae Swyddfa'r Comisiynydd Gwybodaeth (ICO) wedi lansio ymgyrch genedlaethol o'r enw ‘Byddwch yn effro i breifatrwydd’, gyda'r nod o helpu rhieni a gofalwyr plant 4-11 oed i siarad am breifatrwydd ar-lein gartref.

Rydyn ni’n gwybod bod addysg diogelwch ar-lein eisoes wedi'i hymgorffori yn ein cwricwlwm. Mae'r ymgyrch yma yn adeiladu ar y gwaith hwnnw trwy roi offer syml, ymarferol i deuluoedd barhau â'r sgyrsiau yma y tu allan i'r ysgol. Mae ymchwil gan yr ICO yn dangos nad yw tri chwarter y rhieni yn credu bod eu plant yn gallu gwneud dewisiadau diogel ynghylch pa wybodaeth bersonol maen nhw'n ei rhannu ar-lein, ond nad yw un o bob pump erioed wedi siarad â nhw am y peth. Fel addysgwyr, rydyn ni mewn sefyllfa gref i helpu i bontio'r bwlch yma.

Mae'r ymgyrch yn canolbwyntio ar dri cham y gall rhieni eu cymryd gartref:

  • Sgwrsio gyda'ch plentyn am breifatrwydd ar-lein.
  • Pigo pa wybodaeth bersonol i'w rhannu.
  • Gwirio y gosodiadau pryd bynnag y bydd eich plentyn yn defnyddio dyfais neu ap newydd.

Sut gallwch chithau helpu:

  • Rhannwch yr ymgyrch gyda rhieni drwy gylchlythyrau, ebost, hysbysfyrddau neu nosweithiau rhieni.
  • Soniwch amdani yn ystod sgyrsiau gyda rhieni wrth gasglu neu ollwng y plant neu wrth ymgynghori â rhieni.
  • Defnyddiwch yr ymgyrch i ategu’ch gwersi diogelwch ar-lein eich hun – anogwch y plant i siarad â'u teuluoedd hefyd.

Ystyriwch yr ymgyrch fel cyfeiriad defnyddiol mewn diweddariadau ynglŷn â diogelu neu mewn cyfarfodydd staff.

The campaign hub is at ico.org.uk/switched-on-to-privacy/?utm_source=toolkit&utm_medium=internal&utm_campaign=sotp - it includes free tips, short videos and downloadable conversation checklist that parents can use straight away.

Blociau testun ar gyfer gwefan ysgol

Byddwch yn effro i breifatrwydd

Yn [ENW'R YSGOL], rydyn ni’n dysgu’r plant am gadw'n ddiogel ar-lein. Ond mae preifatrwydd ar-lein yn sgil bywyd sydd angen ei ymarfer gartref hefyd.

Mae Swyddfa'r Comisiynydd Gwybodaeth (ICO) wedi lansio ‘Byddwch yn effro i breifatrwydd’ – ymgyrch i helpu rhieni a gofalwyr plant 4-11 oed i ddechrau sgyrsiau syml am breifatrwydd ar-lein gan ddefnyddio tri cham: Sgwrsio, Pigo, Gwirio.

Visit ico.org.uk/switched-on-to-privacy/?utm_source=toolkit&utm_medium=Website&utm_campaign=sotp for free tips, short videos and conversation checklist you can use straight away.

Sgript briffio ar gyfer athrawon a staff rheng flaen

Helpu rhieni i fod yn effro i breifatrwydd ar-lein eu plentyn

Beth yw hyn?

Mae Swyddfa'r Comisiynydd Gwybodaeth (ICO) wedi lansio ymgyrch o'r enw ‘Byddwch yn effro i breifatrwydd’. Mae'n helpu rhieni a gofalwyr plant 4-11 oed i ddechrau sgyrsiau syml, cyson am breifatrwydd ar-lein gartref, gan adeiladu ar yr hyn rydyn ni eisoes yn ei ddysgu yn yr ysgol.

Pam mae'n bwysig?

Bob tro y bydd plant yn mynd ar-lein – gan ddefnyddio apiau, gemau neu wefannau – mae data amdanyn nhw’n cael ei gasglu, yn aml heb yn wybod iddyn nhw. Gall hyn gynnwys eu lleoliad, eu harferion pori, eu ffrindiau a hyd yn oed eu hwyliau. Mae ymchwil gan yr ICO yn dangos nad yw tri chwarter y rhieni yn credu bod eu plant yn gallu gwneud dewisiadau diogel ynghylch pa wybodaeth bersonol maen nhw'n ei rhannu ar-lein, ond dyw un o bob pump erioed wedi siarad â nhw am y peth.

Beth gall rhieni ei wneud?

Mae'r ymgyrch yn rhoi tri cham syml i rieni:

  • Sgwrsio gyda'ch plentyn am breifatrwydd ar-lein.
  • Pigo pa wybodaeth bersonol i'w rhannu.
  • Gwirio y gosodiadau pryd bynnag y bydd eich plentyn yn defnyddio dyfais neu ap newydd.

Beth galla i ei ddweud wrth rieni?

Dyma ddau awgrym o ran ffyrdd i godi hyn yn naturiol:

  • Ar noson rieni neu yn ystod ymgynghoriad rhieni: "Efallai y bydd hyn o gymorth ichi – mae gan yr ICO ymgyrch o'r enw ‘Byddwch yn effro i breifatrwydd’ gydag awgrymiadau syml iawn ar siarad â phlant am breifatrwydd ar-lein gartref. Mae'n cysylltu'n dda â'r hyn rydyn ni'n ei wneud yn yr ysgol. Gallwch chi gael gafael arno yn ico.org.uk/SwitchedOn.”
  • • Wrth godi a gollwng plant neu mewn sgwrs gyflym: "Ydych chi wedi gweld yr ymgyrch ‘Byddwch yn effro i breifatrwydd’? Mae yna awgrymiadau defnyddiol ar sgwrsio â'r plant am yr hyn maen nhw'n ei rannu ar-lein. Mae'r ymgyrch yn ico.org.uk/SwitchedOn – mae’n werth edrych arni."

Pwynt allweddol: Dylai'r tôn bob amser fod yn gefnogol ac yn galonogol. Mae hyn yn ymwneud â grymuso teuluoedd i adeiladu arferion ar-lein clyfar gyda'i gilydd, nid dweud wrth rieni eu bod nhw’n gwneud rhywbeth o'i le.

Pecyn delweddau i’r cyfryngau cymdeithasol

Fersiwn fer (240 o nodau)

Oeddech chi'n gwybod y gallai’ch plentyn fod yn rhannu gwybodaeth bersonol ar-lein heb sylweddoli? Mae ymgyrch yr ICO ‘Byddwch yn effro i breifatrwydd’ yn helpu rhieni plant 4-11 oed i ddechrau sgyrsiau syml gartref.

👉 ico.org.uk/switched-on-to-privacy/?utm_source=toolkit&utm_medium=social&utm_campaign=sotp

Fersiwn hir (519 o nodau)

Yn yr ysgol, mae plant yn dysgu sut i gadw'n ddiogel ar-lein. Ond mae preifatrwydd ar-lein yn sgil bywyd y gallwch chithau siarad amdano gartref hefyd.

Mae Swyddfa'r Comisiynydd Gwybodaeth (ICO) wedi lansio ‘Byddwch yn effro i breifatrwydd’ – ymgyrch am ddim i helpu rhieni a gofalwyr plant 4-11 oed i siarad am ba wybodaeth bersonol y mae plant yn ei rhannu ar-lein.

Mae wedi'i adeiladu o amgylch tri cham syml: Sgwrsio, Pigo, Gwirio..

Find tips, short videos and conversation starters at 👉  ico.org.uk/switched-on-to-privacy/?utm_source=toolkit&utm_medium=social&utm_campaign=sotp

Pecyn delweddau digidol i wefan

Gallwch lawrlwytho delweddau a fideos ac yna eu huwchlwytho i'ch sianeli yn y cyfryngau cymdeithasol. Cynhwyswch destun amgen gyda delweddau i helpu hygyrchedd.

Gofalwch ein tagio ni ar ein sianeli ni yn y cyfryngau cymdeithasol: Facebook, Instagram, LinkedIn, TikTok, X.

Lawrlwytho'r ffeil zip o ddelweddau - Saesneg

Lawrlwytho'r ffeil zip o ddelweddau - Cymraeg

Peerscroller resource pack

Peerscroller has worked in collaboration with the Information Commissioner’s Office to produce a Switched on to privacy resource pack for schools, parents and carers. The pack includes a series of bitesize explainer videos developed by young people for parents, carers and educators to watch alongside children aged 4-11 years.